Media
  webmaster@awdalmedia.com

advertisement

Warqad Furan Oo ku Socota Madaxwayne Muuse Biixi. Qalinkii Jiif Caaqil Garaad Muuse Ceelaabe.


sawir
Sat 23 June 2018.

Taariikh: 22/06/2018

Ku : Madaxweynaha Somaliland,   Hargeysa.

Og: Madaxweyne ku xigeenka Somaliland, Hargeysa.

Mudane Madaxweyne,
salaan kadib, anigoo ah Jiif Caaqilka Beesha Bahabar Muuse, magacayguna yahay Garaad Muuse Ceelaabe Abaar, waxaan kuu soo gudbinayaa dacwad aan kaga cabanayno beesha Jibriir Abokor oo mudo 27 sano ah uu naga dhexeeyo muran la xidhiidha deegaanka dhulbeereedka Caadda iyo nawaaxigeeda oo hoos taga degmada Gabiley.

Mudane Madaxweyne, markii adiga iyo madaxweyne ku xigeenkaaga Md. Cabdiraxmaan Saylici aad ku jirteen ololihii doorashadii guushu idiinku raacday ee G/Awdal aad noogu timaadeen, waxaan ka mid ahaa odayadii dhaqanka beelaha Maxamed Case ee Baki idiinku sameeyey hadhimo sharafeedka, shirkana aad Kula yeelateen halkaas. Ku darsoo, weliba waxaan ahaa Jiif Caaqilkii kelidii u istaagay ee idiin soo bandhigay arrimaha khuseeya deegaanada lagu muransan yahay. Adiguna dhankaaga waxaad ku ballanqaaday maalintaasi "hadii aan doorashada ku guulaysto, waxaan gogol ay ku wadahadlaan u dhigi doonaa dhinacyada muranka deegaamadu ka dhexeeyaan."

Ugu dambayn, Mudane Madaxweyne waxaan kaa codsanaynaa in aad si degdeg ah noogu fidiso gogol aan ku wadahadalno annaga iyo beesha Jibriir Abokor oo mudo 27 sano ah uu naga dhexeeyo muran la xidhiidha deegaanka dhulbeereedka Caadda iyo nawaaxigeeda oo hoos taga degmada Gabiley.

Wa Billaahi Towfiiq

Jiif Caaqil Garaad Muuse Ceelaabe

063 4452909

063 4526336



3 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.




AwdalMedia Latest News Headlines